cheharaa meraa thaa nigaahe.n us kii
Khaamushii me.n bhii vo baate.n us kii
mere chehare pe Gazal likhatii ga_ii.n
sher kahatii hu_ii aa.Nkhe.n us kii
shoKh lamho.n kaa pataa dene lagii.n
tez hotii hu_ii saa.Nse.n us kii
aise mausam bhii guzaare ham ne
subahe.n jab apanii thii.n shaame.n us kii
dhyaan me.n us ke ye aalam thaa kabhii
aa.Nkh mahataab kii yaade.n us kii
faisalaa mauj-e-havaa ne likkhaa
aa.Ndhiyaa.N merii bahaare.n us kii
niind is soch se TuuTii aksar
kis tarah kaTatii hai.n raate.n us kii
duur rah kar bhii sadaa rahatii hai
mujh ko thaame hue baahe.n us kii
|
|
Aik baat kahoon gar suntey ho?
Tum mujh ko achey lagtey ho
Kuch chanchal se, kuch chup chup se
Kuch pagal pagal lagtey ho
Hain chahney waaley aur buhat
par tum mein hai aik baat buhat!
Tum apney apney lagtey ho
Aik baat kahoon gar suntey ho?
Tum mujh ko achey lagtey ho
Yeh baat baat pe kho jaana
Kuch kehtey kehtey ruk jaana
Yeh kiss uljhan mein rehte ho?
Kia baat hai hum se keh daalo
Aik baat kahoon gar suntey ho?
Tum mujh ko achey lagtey ho |
"Agar Tum Mujh ko Mil Jatay"
bohat mumkin tha
mere paaoon mere zeest k
kantay nikal jatay
bohat mumkin tha
meri raah k pthar peeghal jatay
jo deewarain mere rastay mein
hayail theen
mere agae se hat jatii
agar tum ankh utha ker dekh letay
kohsaroon ki traf ek pal
chatnain ek tumhari
jumbish e abroo se kat jatii
bohat mumkin tha
angaroon bhrii is zindaghnai mein
tumharay paon k ujlay knwal khiltay
rfaqat ki sunheri jheel mein
dono k aks zoofishan hiltay
bus ek qoabh e musal sal ki fiza rehti
hmari rooh kubh hum
se qfa rehtii
yeh subh kuch aeen mumkin tha
aggar tum mujh ko mil jatay
|
|
"Uth Gya"
kia tha piyar tum se yeh atbar uth gya hai
ek bar kia tha woh soo bar uth gya hai
jubh bat thi teri rehtay thay pass tere
sochoon se tere mera atbar uth gya hai
kehtay thay tujh bin jiyaingay kesay!
kia tha mujh se tum nay jo iqrar uth gya hai
dil mein hi rakhi hum nay sari qoahishain
rahii jahan se dekhoo bezar uth gya hai
Ilzam
Toota jo aake lab pe, tera naam hi to hai
Dil mein bas aik khuahish-e-nakaam hi to hai
Pehla qadam hi aakhri hai, uth sake agar
Manzil yaqeen-e-ishq ki aik gaam hi to hai
Rehne do wapsi kay liye raasta khula
Woh bad nahi hai, aik zara badnaam hi to hai
Sabit karega kia koi ham par jafa ka jurm
Aik roz dhul hi jaayega ilzaam hi to hai |
